Herr Nilsen


Askeladden - single release

Kr 100,- / 26.06.14 21:00 Del denne siden

Trioen Askeladden er kjent for å spre god stemning. Med finurlege og varierte tekstar om livsmeistring på varierande nivå, utfordrar dei publikum til å tenkje litt enklare om kva glede kan vere. Musikken er fylt av eit energisk driv, som vekkjer rytmefoten hos nokon og einkvar.

Johannes Aadland (vokal/piano) har gjennom sitt arbeid som musikalartist og norsklærar, funne den gode blandinga av dramatikk, og gode og lett tilgjengelege tekstar. Simon Kleppe Røskeland (trommer/perkusjon) og Torstein Mongstad (el-bass, kontrabass) er med og løftar den musikalske dimensjonen. Med sine erfaringar frå folkemusikk, storband og gospelmusikk, finn dei nye og elegante vegar til den gode grooven.